5 уми июл, тахминан соати 15:00 ронандаи автомашинаи тамғаи «Мерседес Бенс», рақамҳои қайди давлатиаш 9381FF01, Бобоҷонов К. ҳангоми ҳаракат дар хиёбони Рӯдакӣ аз самти кӯчаи Амиршоев ба тарафи ноҳияи Варзоб, дар рӯ ба рӯи даромадгоҳи корхонаи сементбарорӣ, ҳангоми сабқатнамудан ба муқобили самти ҳаракат баромада, ба автомашинаи тамғаи «Хова» (Дулан), рақамҳои қайди давлатиаш 376АА01, таҳти идораи Шарипов Р., ки аз самти ноҳияи Варзоб ба самти кӯчаи Амиршоев бо роҳи худ ҳаракат мекард, бархурдааст. Дар натиҷаи ин садама ронанда ва мусофири автомашинаи «Мерседес Бенс», зани 54-солаи сокини ноҳияи Варзоб ҷароҳатҳои вазнини ҷисмонӣ бардошта, ба ҳалокат расидаанд. Ронандаи автомашинаи тамғаи «Хова» (Дулан), марди 44-солаи сокини ноҳияи Варзоб ҷароҳати ҷисмонӣ бардоштааст.
  Вобаста ба ҳолати мазкур маводҳои зарурӣ тартиб дода шуда, мавриди тафтишоти пешакӣ қарор дорад. 
                                                                                                                                                                      Манбаъ: dushanbepolice.tj