Боздиди намояндагони ширкати Роҳи оҳани миллии Кореяи Ҷанубӣ аз Минтақаи озоди иқтисодии «Кӯлоб»
2022-08-03 05:46:38
23-24 июл мутахассисони ширкати Роҳи оҳани
миллии Кореяи Ҷанубӣ (Korea National Railway) бо роҳбарии Сонг Джае Ил — мудири
кулл ва техникии ширкати Роҳи оҳани миллии Корея (KNR) ҳамроҳ бо мудири кулл
оид ба Осиёи Марказӣ хонум Чонг Есун, муовини Раиси шаҳри Кӯлоб Орзу Ҳамидиён,
муовини сардори Раёсати робитаҳои байналмилалии Вазорати нақлиёти Ҷумҳурии
Тоҷикистон Суҳроби Нурулло, роҳбарон ва намояндагони пажуҳишгоҳҳо ва дигар
сохторҳои дахлдори Вазорати нақлиёти кишвар аз Минтақаи озоди иқтисодии
«Кӯлоб» боздид намуданд.
Ҳадафи асосии боздиди меҳмонон баррасии масъалаҳо вобаста ба тақвияти ҳамкорӣ дар самти таҳияи лоиҳаи асосноккунии техникии иқтисодии (ТЭО)-и кашидани хатти роҳи оҳан то Минтақаи озоди иқтисодии «Кӯлоб» барои пешниҳод намудан ба сармоягузорони Кореяи Ҷанубӣ ба ҳисоб меравад.
Сафари мазкур ҳамзамон бо мақсади иҷрои саривақтаи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба рушди Минтақаи озоди иқтисодии «Кӯлоб» бо ташаббус ва дастгирии бевоситаи Вазири нақлиёт, Роҳбари Гуруҳи кории Ҳукумати мамлакат оид ба омодагӣ ба ҷашни 35-солагии Истиқлоли давлатӣ Азим Иброҳим сурат гирифт.
Ба ҳайати меҳмонон оид ба бунёди инфрасохтори зарурӣ, корхонаҳои нави саноатӣ, имконияти сармоягузорӣ дар минтақаи мазкур, самтҳои афзалиятноки он, имтиёзҳои пешниҳоднамудаи Ҳукумати Ҷумҳурии Тоҷикистон, талаботи мавҷудаи қонунгузории соҳа ва дигар масъалаҳо маълумоти муфассал пешниҳод карда шуд. Иттилоъ дода шуд, ки масофа миёни истгоҳи роҳи оҳани шаҳри «Кӯлоб» то ҳудуди Минтақаи озоди иқтисодии «Кӯлоб» 18 км-ро ташкил дода, бунёд гардидани корхонаҳои замонавӣ дар минтақаи мазкур метавонад ба афзоиши ҳамлу нақли молу маҳсулот, рушди инфрасохтори нақлиётӣ, бахусус роҳи оҳан ва хизматрасониҳои логистикӣ заминаи устувор фароҳам орад.
Дар баробари ин бо вуҷуди мавҷудияти роҳи нақлиётӣ барои боз ҳам осон гардидани боркашонӣ бо назардошти таҷрибаи пешрафтаи Кореяи Ҷанубӣ зарурати ҷалби сармояи Корея вобаста ба таҳия ва татбиқи лоиҳаи бунёди хатти роҳи оҳан то Минтақаи озоди иқтисодии «Кӯлоб» муҳим арзёбӣ гардида, таъкид гардид, ки омили мазкур метавонад барои ҷалби бештари сармояи дохилию хориҷӣ, бунёди корхонаҳои нави саноатӣ, таъсиси ҷойҳои нави корӣ ва рушди минбаъдаи минтақаи мазкур заминаи устувор гузорад.
Мақомоти иҷроияи ҳокимияти давлатии шаҳри Кӯлоб ва Маъмурияти Минтақаи озоди иқтисодии «Кӯлоб» омодагии худро барои мусоидат дар татбиқи амалии лоиҳаи бунёди хатти роҳи оҳан то Минтақаи озоди иқтисодии «Кӯлоб» баён намуда, барои сари вақт ҷамъоварӣ ва пешниҳод намудани маводи зарурӣ дар ин самт ҳавасмандии аниқ зоҳир намуданд.
Маълумот аз ВНҶТ
Ҳадафи асосии боздиди меҳмонон баррасии масъалаҳо вобаста ба тақвияти ҳамкорӣ дар самти таҳияи лоиҳаи асосноккунии техникии иқтисодии (ТЭО)-и кашидани хатти роҳи оҳан то Минтақаи озоди иқтисодии «Кӯлоб» барои пешниҳод намудан ба сармоягузорони Кореяи Ҷанубӣ ба ҳисоб меравад.
Сафари мазкур ҳамзамон бо мақсади иҷрои саривақтаи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба рушди Минтақаи озоди иқтисодии «Кӯлоб» бо ташаббус ва дастгирии бевоситаи Вазири нақлиёт, Роҳбари Гуруҳи кории Ҳукумати мамлакат оид ба омодагӣ ба ҷашни 35-солагии Истиқлоли давлатӣ Азим Иброҳим сурат гирифт.
Ба ҳайати меҳмонон оид ба бунёди инфрасохтори зарурӣ, корхонаҳои нави саноатӣ, имконияти сармоягузорӣ дар минтақаи мазкур, самтҳои афзалиятноки он, имтиёзҳои пешниҳоднамудаи Ҳукумати Ҷумҳурии Тоҷикистон, талаботи мавҷудаи қонунгузории соҳа ва дигар масъалаҳо маълумоти муфассал пешниҳод карда шуд. Иттилоъ дода шуд, ки масофа миёни истгоҳи роҳи оҳани шаҳри «Кӯлоб» то ҳудуди Минтақаи озоди иқтисодии «Кӯлоб» 18 км-ро ташкил дода, бунёд гардидани корхонаҳои замонавӣ дар минтақаи мазкур метавонад ба афзоиши ҳамлу нақли молу маҳсулот, рушди инфрасохтори нақлиётӣ, бахусус роҳи оҳан ва хизматрасониҳои логистикӣ заминаи устувор фароҳам орад.
Дар баробари ин бо вуҷуди мавҷудияти роҳи нақлиётӣ барои боз ҳам осон гардидани боркашонӣ бо назардошти таҷрибаи пешрафтаи Кореяи Ҷанубӣ зарурати ҷалби сармояи Корея вобаста ба таҳия ва татбиқи лоиҳаи бунёди хатти роҳи оҳан то Минтақаи озоди иқтисодии «Кӯлоб» муҳим арзёбӣ гардида, таъкид гардид, ки омили мазкур метавонад барои ҷалби бештари сармояи дохилию хориҷӣ, бунёди корхонаҳои нави саноатӣ, таъсиси ҷойҳои нави корӣ ва рушди минбаъдаи минтақаи мазкур заминаи устувор гузорад.
Мақомоти иҷроияи ҳокимияти давлатии шаҳри Кӯлоб ва Маъмурияти Минтақаи озоди иқтисодии «Кӯлоб» омодагии худро барои мусоидат дар татбиқи амалии лоиҳаи бунёди хатти роҳи оҳан то Минтақаи озоди иқтисодии «Кӯлоб» баён намуда, барои сари вақт ҷамъоварӣ ва пешниҳод намудани маводи зарурӣ дар ин самт ҳавасмандии аниқ зоҳир намуданд.
Маълумот аз ВНҶТ