ВАЗОРАТИ НАҚЛИЁТИ ҶУМҲУРИИ ТОҶИКИСТОН
МУАССИСАИ ДАВЛАТИИ "НАҚЛИЁТИ АВТОМОБИЛИ ВА ХИЗМАТРАСОНИИ ЛОГИСТИКИ"

Вазифаҳо ва функсияҳои асосии шуъбаи танзими боркашонӣ, мусофирбарӣ фаъолияти нақлиётӣ – экспедитсионӣ ва назорати бехатарӣ

- бо роҳхату борхат таъмин намудани корхонаю ташкилотҳо новобаста аз шакли моликият, ки дар фаъолияти боркашонӣ ва мусофирбарӣ аз нақлиёти автомобилӣ истифода мекунанд;

- меъёри сарфи сӯзишворӣ ва хурдашавии чархҳои воситаҳои нақлиёти автомобилиро муайян менамояд;

-  шиносномаҳо ва  нақшаҳои хатсайрҳои мусофирбариро тартиб медиҳад;

-  роҳҳои автомобилгарди хатсайрҳои мусофирбариро муоина менамояд;

- ташкил ва кушодани хатсайрҳои мусофирбарӣ ва ворид намудани тағйироту иловаҳо ба хатсайрҳои амалкунанда, инчунин ба роҳ мондани феҳристи ягонаи хатсайрҳои мусофирбарӣ;

 - ташкил ва гузаронидани озмун (тендер) оид ба тақсими хатсайрҳои мусофирбарӣ байни интиқолдиҳанагон;

- таҳияи тарифҳои мусофирбарӣ ва боркашонӣ;

- таҳияи алгоритми рақамикунонии варақаҳои роҳхату борхат;

- ташкил ва гузаронидани мониторингҳо оид ба тарифи мусофирбарӣ дар хатсайрҳои мусофирбарӣ ва тарифи боркашонӣ дар нуқтаҳои боркунӣ;

 - омода ва пешниҳод намудани ҳисоботҳои оморӣ нишондиҳандаҳои асосии соҳаи нақлиёти автомобилӣ;

- анбӯҳи борҳоро дар нуқтаҳои ҷамъшавии бор, анбӯҳи селаи мусофиронро дар хатсайрҳои мусофирбарӣ ва миқдори автомобилҳои заруриро дар ин самт муайян менамояд;

- ҷадвали ҳаракати воситаҳои нақлиёти автомобилиро дар хатсайрҳои мусофирбарӣ тартиб медиҳад.