Кормандони милитсия дар асоси муроҷиати як нафар шаҳрванд, ронандаи автомашинаи тамғаи “Хундай Солярес”‘, рақами қайди давлатиаш 9058ТТ05, Розиқов Қадриддин Исломиддинович, санаи таваллудаш 24.05.1999, истиқоматкунандаи шаҳри Душанбе маҳалли Ховаронро боздошт кардаанд. Зимни санҷиш муайян гардид, ки номбурда ҳамчун ронанда дар хадамоти таксии “Сафар Ориён” фаъолият намуда, рўзи 9-уми май, тақрибан соати 09:45 дақиқа дар кӯчаи М.Мирзобеков, ҳангоми   фаъолият ба як нафар ронандаи зан монеагӣ эҷод намуда, ҳамзамон бо алфози қабеҳ ва ишораҳои ғайриахлоқӣ шаъну шарафи ӯро паст задааст. Вобаста ба ҳолати мазкур аз ҷониби кормандони милитсия нисбат ба  ронанда-Розиқов Қадриддин бо мақсади андешидани чораҳои дахлдори қонунӣ маводҳои зарурӣ тартиб дода, ба Суд ирсол карда шудааст.
                                                                                                                                             Манбаъ:dushanbepolice.tj