Вазорати нақлиёти Ҷумҳурии Тоҷикистон бо дастгирии Бонки Осиёгии Рушд бо таҷҳизоти бақайдгирии дороиҳои роҳ таъмин гардид. Таҷҳизоти мазкур аз ҷониби ширкати Зеландияи нав  дастрас ва бо мақсади  ҷамъоварии маълумот вобаста ба дороиҳои роҳ ба ҷумҳурӣ ворид гардид. Таҷҳизоти нав дар автомашинаи сабукрави тамғаи “TOYOTA-PRADO” васлу насб гардидаст. Таҷҳизоти мазкур аз сканери лазерӣ, 3 адад камераҳо, одометр ва GPS иборат мебошад. Бори аввал дар таърихи Тоҷикистон бо таҷҳизоти муосир  ҳолати роҳ, индекси IRI, дарозии аниқи роҳҳои автомобилгард ва ҷойгиршавии иншоот ба таври электронӣ бақайд гирифта мешаванд. Ба ибораи дигар – шиносномакунии роҳҳо ба роҳ монда мешавад. Инчунин пас аз пурра ҷамъоварӣ намудании маълумот вобаста ба роҳҳои автомобилгарди истифодаи умум ва дороиҳои онҳо шакли электронии харитаи роҳҳои автомобилгар таҳия  мегардад. Бо истифода аз таҷҳизоти мазкур сифати корҳои нигоҳдорӣ, азнавсозӣ ва сохтмони роҳҳо муайян карда мешавад. Хотиррасон мешавем, ки шиносномакунии роҳҳо тибқи банди 32-и Қонуни Ҷумҳурии Тоҷикистон  аз 25 июни соли 2021 № 1794  сурат мегирад.
                                                                                                                                                                                                       Манбаъ:mintrans.tj