Бино ба маълумоти  Агентии обуҳавошиносии Тоҷикистон, аз 31 январ то 3-4 феврали соли 2024 дар ҷумҳурӣ ҳавои номусоид боқӣ монда, ба истиснои қаламрави Вилояти Мухтори Кӯҳистони Бадахшон дар аксар ноҳияҳои мамлакат фаромадани туман пешбинӣ шудааст.
Ба иттилои Агентии обуҳавошиносӣ, 3-4 феврал дар ҷумҳурӣ ҳавои номусоид боқӣ монда, дар бештари ноҳияҳо борону барф пешгӯӣ мешавад.
Рӯзонаи 3 феврал ва шабонаи 4 феврал дар баъзе ноҳияҳо бориши бошиддат ба амал меояд.
1-2 феврал дар ноҳияҳои алоҳидаи кӯҳӣ ҳарорати шабонаи ҳаво паст шуда, то 15-20 дараҷа хунукӣ пешгӯӣ мешавад.
Бо сабаби паст шудани ҳарорати шабонаи ҳаво 1-4 феврал дар шоҳроҳҳои автомобилгарди ноҳияҳои кӯҳии ҷумҳурӣ зуҳуроти яхбандӣ дар назар аст.
Шабонарӯзи наздик дар минтақаҳои кӯҳии ноҳияҳои тобеи ҷумҳурӣ, вилояти Суғд ва ғарби Вилояти Мухтори Кӯҳистони Бадахшон сар задани зуҳуроти тарма аз эҳтимол дур нест.