01.03.2024 дар Маркази бозомузӣ ва такмили ихтисос семинари омӯзишӣ дар мавзӯъи “Тахографи рақамӣ ҳамчун воситаи баланд бардоштани бехатарии ҳаракат дар роҳ ва мониторинги раванди интиқоли бор” бо иштироки намояндагон  аз CERTSIGN S.A – и Ҷумҳурии Руминия, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон,  Хадамоти давлатии назорат ва танзими нақлиёт ва КВД “Маркази Сертификатсиякунонӣ дар соҳаи нақлиёт” баргузор гардид. Дар семинари омўзишӣ дар робита ба тартиби истифодаи корти тахографи ҳушманд (Смарткорт) миёни иштирокдорон  ва маърузачиён мубодилаи афкор сурат гирифт. Таъкид гардид, ки дар Аврупо аз соли 2016-ум заминаи ҳуқуқӣ ҷиҳати гузаштан ба корти рақамии тахограф яъне насли ҷадид (G2) рўи кор омад. Инчунин маълумот дода шуд, ки  афзалияти корти тахографи насли нав аз ҷиҳати амниятӣ аз корти тахографи насли якум бартари дорад. Ба иттиллои маърузачиён хусусияти дигари фарқкунандаи корти мазкур дар он аст, ки корти ҷадид бо истифода аз моҳвора маълумоти заруриро доир ба ҳаракати воситаи наќлиёт ва ҷойгиршавии он нишон дода, бе боздоштани воситаи нақлиёт дар масофаи муайян санҷиши ҳолати воситаи нақлиёт фосилавӣ анҷом дода мешавад. Дар ин ҳамоиш ҳамчунин роҷеъ ба ҳамкориҳои дуҷониба дар самти рақамикунонии соҳа, имзои рақамӣ ва дигар масъалаҳои соҳа таваҷҷуҳ дода шуда, тарафҳо изҳори ҳавасманди намуданд, ки ҳамкориро дар бахши рақамикунонӣ ва хизматрасониҳои логистикӣ дар ояндаи наздик боз ҳам тақвият хоҳанд дод.