Дар Вазорати нақлиёти Ҷумҳурии Тоҷикистон  бахшида ба  Рӯзи Модар чорабинии идона доир гардид. Дар ин ҷамъомадӣ фарҳангӣ Вазири нақлиёти кишвар Азим Иброҳим суханрони намуда, таъкид карданд, ки Рӯзи Модар дар ҷумҳурӣ бо ташаббуси бевоситаи Асосгузори сулҳу Ваҳдати миллӣ - Пешвои миллат, муҳтарам Эмомалӣ Раҳмон мақоми расмӣ гирифта, ин рўз дар фазои сулҳу ваҳдат таҷлил карда мешавад. Кобили қайд аст, ки дар ин чорабинии тантанавӣ озмуни бонувон бахшида ба таҷлили «Рӯзи Модар» - ва ҷашни фархундаи Наврӯзи байналмилалӣ миёни занону бонувоне, ки дар  Вазорати нақлиёт ва зерсохторҳои он фаъолият менамоянд  доир гардид.
 Озмун аз рӯйи чор номинатсия:
- Саломномаи даста ;
- Қироати шеър дар васфи Модар, Ватан, баҳор ва Наврӯз;
- Пешниҳоди як намуди ҳунар (сурудхонӣ, рақс, навозандагӣ ва ғайра);
- Саволнома баргузор гардид.
   Пас аз баҳогузории ҳайати ҳакамон, ду ҷои аввал насиби дастаи «Хуҷаста»-и Дастгоҳи марказии Вазорати нақлиёт ва дастаи «Беназир»-и КВД «Роҳи оҳани Тоҷикистон», ду ҷои дуюм насиби дастаи «Маърифат»-и Муассисаи давлатии «Нақлиёти автомобилӣ ва хизматрасониҳои логистикӣ» ва дастаи «Бунафша»-и Хадамоти давлатии назорат ва танзим дар соҳаи нақлиёт гардида, ҷои сеюм ба дастаи  «Навбаҳор»-и Маркази татбиқи лоиҳаҳои  таҷдиди роҳҳо ва дастаи  Муассисаи давлатии «Маркази татбиқи лоиҳаҳои Душанбе-Чаноқ»  дода шуд. Ғолибони озмун аз ҷониби роҳбарияти Вазорати нақлиёти Ҷумҳурии Тоҷикистон бо мукофотҳо қадрдонӣ шуданд