15.04.2024. Дар Раёсати Муассисаи давлати “Нақлиёти автомобилӣ ва хизматрасонии логистикӣ” дар вилояти Суғд, ҷаласаи корӣ оид ба ҷамъбасти натиҷаи фаъолияти раёсати муассиса дар семоҳаи аввали соли 2024-ум ва вазифаҳо барои давраҳои минбаъда бо иштироки ҳайати васеи соҳа баргузор гардид. Дар қисмати аввали маҷлис фаъолияти раёсати муассиса мавриди таҳлилу барраси қарор дода шуд. Дар идома ба иштирокчиён роҷеъ ба муҳтавои фармоиши Вазири нақлиёти Ҷумҳурии Тоҷикистон таҳти №56 аз 13-уми марти соли 2024, оид ба  муҳлати додани варақаҳои роҳхати шаклҳои 2-Б, 3-С ва  Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021–2025 маълумот дода шуд.  Дар маҷлис инчунин, иштирокчиён доир ба тарғибу ташвиқи дастовардҳои Истиқлолияти давлатӣ ва саҳми арзандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар расидан ба сулҳу субот, оромии ҷомеа, ваҳдати миллӣ ва аз парокандагӣ эмин нигоҳ доштани миллати тоҷик суҳбат намуданд.