Рўзҳои 18-ум ва 19-уми апрели соли ҷорӣ дар меҳмонхонаи «Атлас»-и шаҳри Душанбе, Семинари миллӣ дар мавзўи «Ҳамгироии системаҳои нақлиёти ҷамъиятии шаҳрӣ ва истифодаи технологияҳои рақамӣ дар соҳаи нақлиёт» бо иштироки васеи кормандони соҳҳаҳои гуногун баргузор гардид. Дар кори ин семинар муовини аввали директори Муассисаи давлатии «Нақлиёти автомобилӣ ва хизматрасонии логистикӣ» Пиров Ҷаҳонгир иштирок намуда, дар мавзӯъи «Ҳолати кунунии варақаҳои роҳхат ва истифодаи технологияҳои рақамӣ дар муасиссаҳои нақлиётии Ҷумҳурии Тоҷикистон» маълумот дод. Мавзуф, зимни баромади худ  қайд намуд, ки барои гузаштан ба рақамикунонӣ Қарори Ҳукумати Ҷумҳурии Тоҷикистон «Оид ба ҳукумати электронӣ» аз 30 декабри соли 2011, №643 ва «Консепсияи иқтисоди рақамӣ» аз 30 декабри соли 2019, №642 қабул гардида, инчунин Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми рўзи 21-уми декабри соли 2021 қайд намуданд, ки “...Ҷиҳати рақамикунонии бомароми иқтисоди миллӣ ва ташаккул додани заминаи технологии он ба ислоҳоти соҳаи алоқа тақвият бахшида, гузариши тадриҷӣ ба иқтисоди рақамӣ ва хизматрасониҳои рақамӣ дар ҳама соҳаҳо таъмин карда шавад ва таъкид месозам, ки ин воқеият ва талаботи замони муосир мебошад”.