18-уми майи соли 2024-ум дар Маркази бозомӯзӣ ва такмили ихтисоси Муассисаи давлатии “Нақлиёти автомобилӣ ва хизматрасонии логистикӣ” бо  кормандони ҶДММ “Раҳнавард”  ҷаласаи корӣ баргузор гардид. Дар ин вохурӣ ба иштирокчиён  оид ба таъмини иҷрои нишондиҳандаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон маълумот дода шуда, аз ҳозирин даъват ба амал оварда шуд, ки дар иҷрои талаботи қоидаҳои ҳаракат дар роҳ, ҳифзи ҳаёт ва саломатии шаҳрвандон, баланд бардоштани маърифати экологии ронандагон таваҷҷуҳи махсус дошта бошанд. Дар ҳамоиш таъкид гардид, ки бо дарназардошти зиёд шудани воситаҳои нақлиёти автомобилӣ ва таъсири он ба ифлосшавии атмосфера, моро лозим меояд, ки баҳри коҳиш додани ихроҷи моддаҳои зараровар ба ҳавои атмосфера ҳамаҷониба кушиш намоем. Зеро баланд бардоштани маърифати экологии аҳолӣ тақозои замон мебошад. Дар маҷлис ҳамчунин роҷеъ ба моҳияти эълон гардидани соли 2024, “Соли маърифати ҳуқуқӣ” суханронӣ ва мулоқоти Пешвои миллат бо фаъолон, намояндагони ҷомеа ва ходимони дини кишвар, инчунин риояи муқаррароти қонунҳои Ҷумҳурии Тоҷикистон, “Дар бораи танзими анъана ва ҷашну маросим” ва “Масъулияти падару модар дар таълиму тарбияи фарзанд” таъкид шуда, қайд гардид, ки ҳар сокини кишварро  зарур аст, баҳри пешрафту ободии Ватан, таъмини амнияту суботи ҷомеа, пос доштани Истиқлоли давлатӣ талош дошта бошанд. 
                                                                                                                                                                             Акс аз манбаҳои боз