Дар Раёсати Муассисаи давлатии “Нақлиёти автомобилӣ ва хизматрасонии логистикӣ” дар шаҳри Бохтар барои ронандагони ширкат ва ҷамъиятҳои нақлиёти автомобилӣ семинари омўзишӣ оид ба тартиби дурусти истифодабарии варақаҳои роҳхати электронӣ ва назорати риояи дигар санадҳои меъёрии ҳуқуқии соҳа гузаронида шуд. Дар кори ин семинар корманди шуъбаи назорати боркашонӣ, мусофирбарӣ ва омори Муассисаи давлатии “Нақлиёти автомобилӣ ва хизматрасонии логистикӣ” Шаҳзод Одинаев ба иштирокдорон роҷеъ ба мазмуну муҳтавои қарорҳои Ҳукумати Ҷумҳурии Тоҷикистон “Дар бораи Консепсияи ташаккули ҳукумати электронӣ дар Ҷумҳурии Тоҷикистон”, “Дар бораи Консепсияи иқтисоди рақамӣ дар Ҷумҳурии Тоҷикистон” ва  оид ба афзалияти рақамикунонӣ, шаклҳои нави варақаҳои роҳхату борхати электронӣ, тартиби гузаронидани санҷиш тавассути телефонҳои мобилӣ (замимаи сканер - QR), муҳлати истифодабарии варақаҳои роҳхати шакли  1-А, 2-Б ва 3-С, (яъне тамдид накардани муҳлати онҳо, дастнавис)  ва оид ба дигар бартариҳои варақаҳои роҳхату борхати электронӣ миёни иштирокдорон маърўза намуд.