17 июли соли 2024-ум, дар шаҳри Хуҷанди вилояти Суғд ҷаласаи кории роҳбарияти Муассисаи давлатии «Нақлиёти автомобилӣ ва хизматрасонии логистикӣ-и Вазорати нақлиёти Ҷумҳурии Тоҷикистон бо роҳбарони ширкату ҷамъиятҳои нақлиёти автомобилӣ  баргузор гардид. Дар ҷаласа, масъалаҳои ҳамкорӣ бо Ҷумҳурии Тотористони Федератсияи Русия барои ташкили хатсайрҳои мусофирбар ба шаҳрҳои Бугулма ва Лениногорск, раванди рақамикунонии соҳа тавассути замимаи мобилӣ ва пешниҳоди нархномаи нави хизматрасониҳои пулакӣ мавриди таҳлилу баррасӣ қарор дода шуд.
 Дар қисамти дуюми маҷлис ба  моҳияти эълон гардидани соли 2024 «Соли маърифати ҳуқуқӣ» таваҷҷуҳ дода шуда, аз ҷониби роҳбарияти муассиса таъкид гардид, ки Соли маърифати ҳуқуқӣ эълон гардидани соли 2024-ум аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҳаёти иҷтимоӣ, иқтисодӣ, фарҳангӣ, сиёсӣ ва ҳуқуқии Тоҷикистон нақши муҳим дошта, моро водор месозад, ки  барои боз ҳам сохтани ҷомеаи муттаҳиди маданӣ ва давлати ҳуқуқбунёди миллӣ аз пештар дида зиёд кӯшиш намоем.