18.07.2024 ҷаласаи кории намояндагони Муассисаи давлатии «Нақлиёти автомобилӣ ва хизматрасонии логистикӣ» бо кормандони бахши нақлиёти автомобилӣ дар минтақаи Кӯлоб баргузор гардид.Тибқи рўзномаи маҷлис, нахуст муовини директори муассиса Ҷаҳонгир Пиров ба масъалаи раванди рақамикунонии соҳа, хусусан зарурат ва бартарии он тавассути замимаи мобилӣ ба иштирокчиён  тариқи слайд маълумот дод.
                Дар идома роҷеъ ба таҳия ва қабули нархномаи нави хизматрасониҳои пулакии МД «Нақлиёти автомобилӣ ва хизматрасонии логистикӣ» таваҷҷуҳ дода шуд. Дар ҷаласа ҳамчунин ба масъалаҳои раванди идомаи курсҳои бозомӯзӣ ва такмили ихтисос ба кормандони бахши нақлиёт, роҳҳои баланд бардоштани хизматрасониҳои нақлиётӣ, омода ва коркард намудани роҳхат, борхат, тартиби иштирок дар озмун (тендер)  ва аз аккредитатсия гузаронидани бахшҳои марбут ба соҳаи нақлиёти автомобилӣ таваҷҷуҳ дода шуд. Дар маҷлис, вобаста ба риояи ҳатмии қоидаҳои ҳаракат дар роҳ, тартиби гузаронидани муоинаи тиббии ҳатмӣ дар ҷамъият ва корхонаҳои нақлиётӣ, дар сатҳи баланд муоширату муносибат намудан бо мусофирон  сардори Раёсати назорат, танзим ва рушди фаъолият дар минтақаҳои МД «Нақлиёти автомобилӣ ва хизматрасонии логистикӣ» Фирўз Ғафуров баромад намуд. Мавсуф таъкид намуд, ки роҳбарони терминал, ҷамъият ва корхонаҳои нақлиётиро пеш аз ҳама мебояд дар самти баланд бардоштани хизматрасониҳои нақлиётӣ хусусан пешгирӣ аз меъёри муқараргардида интиқол додани мусофирон дар нақлиёти истифодаи умум, риояи суръати ҳаракат ва либоси тавсиявӣ бо ронандагон кор баранд. Инчунин, барои назорати варақаҳои роҳхату борхат аз намояндагони Бозрасии давлатии автомобилӣ ва Хадамоти давлатии назорат ва танзим  дар соҳаи нақлиёт даъват ба амал оварда шуд, ки ҳангоми бурдани корҳои нозиротӣ ба муҳлати роҳхатҳо аҳмияти ҷиддӣ диҳанд. Дар идома аъзои маҷлис барои беҳтар намудани сатҳу сифати хизматрасониҳои нақлиётию логистикӣ қарорҳои дахлдор қабул намуданд.