25.07.2024 дар маҷлисгоҳи Вазорати нақлиёти Ҷумҳурии Тоҷикистон бахшида ба Рӯзи касбии кормандони соҳаи нақлиёти автомобилӣ ҷамъомади тантанавӣ бо иштироки кормандон ва собиқадорони соҳа баргузор гардид. Дар ин ҳамоиш Ҷаҳонгир Пиров – муовини аввали директори Мусассисаи давлатии «Нақлиёти автомобилӣ ва хизматрасонии логистикӣ» нахуст иштирокдоронро ба рўзи касбияшон табрик намуд. Мавсуф дар идома аз таърихи 85 - солаи Рўзи кормандони соҳаи нақлиёти автомобилӣ ва дастовардҳо дар замони соҳибистиқлолии кишвар сухан гуфта, такид намуд, ки кормандони соҳаи нақлиет дар рушди тамоми соҳаҳои кишвари азизамон саҳми арзишманд доранд ва бо ташкил шудани корхонаҳой нақлиётӣ нафарони зиёд соҳиби ҷойҳои корӣ шудаанд. Аз ин хотир, барой заҳматҳо ба нафароне, ки дар рушди соҳа саҳм гузоштаанд, арзи сипос намуд. Дар фарҷоми ҳамоиш, кормандони Муассисаи давлатии «Нақлиёти автомобилӣ ва хизматрасонии логистикӣ», мутахассисон аз Донишкадаи техникии Тоҷикистон, роҳбарони ҶДММ «Сомон Сайр», ҶДММ «Спитамен-транссервис», ҶДММ «ТК Аэлита», ҶДММ «Газелтранскомпания», ҶСК «Сорбон», ҶДММ «МНА -33», ҶДММ «Успех», ҶДММ «Умеди Хуталон», ККВД «Бохтарнақлиётхизматрасон», ҶДММ «Чакани Хатлон», ҶДММ «МНА - 16», ҶДММ «Терминали Восток», ҶДММ «Ориён»-и шаҳри Душанбе, ККВД «Троллейбус», ҶДММ «Чархи Иқбол», ҶДММ «ХНА» Шараф», ҶДММ «Муҳаммадҷон Д», ҶДММ «Хизматрасонии Фирӯз», ҶДММ «Сумайё», ҶДММ «ЛТД Анвар» ва ҶДММ «Рузафзун»,-и шаҳри Ваҳдат бо Ифтихорномаҳои Мусассисаи давлатии «Нақлиёти автомобилӣ ва хизматрасонии логистикӣ» мукофотонида шуданд.