Дар шаҳри Хуҷанди вилояти Суғд бахшида ба Рӯзи кормандони соҳаи нақлиёти автомобилӣ ҷамъомади тантанавӣ баргузор гардид. Дар ин ҳамоиш намояндагон аз Муассисаи давлатии «Нақлиёти автомобилӣ ва хизматрасонии логистикӣ», Мақомоти иҷроияи ҳокимияти давлатии вилояти Суғд, шуъбаи Бозрасии давлатии автомобилии раёсати Вазорати корҳои дохилии Ҷумҳурии Тоҷикистон, Раёсати Хадамоти давлатии назорат ва танзим дар соҳаи нақлиёт ва кормандони ширкату ҷамъиятҳои нақлиётӣ иштирок намуданд. Дар ин ҷамъомади ҷашнӣ аз ҷониби баромадчиён аз рушди комплекси нақлиёт дар замони соҳибистиқлолии кишвар ва иҷрои вазифаҳои дар пеш гузошташуда, сухан гуфта шуд. Дар фарҷоми ин ҳамоиш кормандон аз Раёсати Муассисаи давлатии «Нақлиёти автомобилӣ ва хизматрасонии логистикӣ», Хадамоти давлатии назорат ва танзим дар соҳаи нақлиёти вилояти Суғд, роҳбарони корхона ва ҷамъиятҳои нақлиёти автомобилӣ бо Сипосномаи Раиси вилояти Суғд, Ифтихорномаи Муассисаи давлатии «Нақлиёти автомобилӣ ва хизматрасонии логистикӣ-и Вазорати нақлиёти Ҷумҳурии Тоҷикистон мукофотонида шуданд.