16.08.2024 дар бинои шуъбаи РБДА - и ноҳияи Рашт бо ташаббуси кормандони Шуъбаи назорати боркашонӣ, мусофирбарӣ ва омори Муассисаи давлатии “Нақлиёти автомобилӣ ва хизматрасонии логистикӣ” семинари омўзишӣ баргузор гардид. Дар кори семинар намояндагон аз Хадамоти давлатии назорат ва танзими нақлиёт, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон ва дигар кормандони бахши нақлиёти автомобилӣ иштирок намуданд. Дар семинар ба иштирокдорон оид ба афзалияти гузариш ба барномаи электронии варақаҳои роҳхату борхат ва тартиби истифодаи он, шаклҳои нави варақаҳои роҳхату борхати электронӣ, тартиби гузаронидани санҷиш тавассути телефонҳои мобилӣ (замимаи сканер - QR), муҳлати истифодабарии варақаи шакли 1-А, 2-Б ва 3-С ва тамдид намудани муҳлати онҳо, инчунин оид ба тағйиру иловаҳои қоидаҳои нақлиёти автомобилӣ корҳои фаҳмондадиҳӣ гузаронида шуд. Қайд гардид, ки дар ин самт қарорҳои Ҳукумати Ҷумҳурии Тоҷикистон “Дар бораи Консепсияи ташаккули ҳукумати электронӣ дар Ҷумҳурии Тоҷикистон” аз 30.12.2011с., №643,  “Дар бораи Консепсияи иқтисоди рақамӣ дар Ҷумҳурии Тоҷикистон” аз 30.12.2019с., №642 ба тавсиб расидааст.  Дар фарҷом миёни иштирокдорони семинар вобаста ба масъалаҳои мухталифи соҳа табодули афкор сурат гирифт.