Бо мақсади саҳмгузорӣ дар корҳои ободониву созандагӣ, сарсабзу хурамгардонии ҳар гушаи Ватан, тоза нигоҳ доштани воситаҳои нақлиёти автомобилӣ ва шафати роҳҳои автомобилгард аз ҷониби масъулини Раёсати Муассисаи давлатии “Нақлиёти автомобилӣ ва хизматрасонии логистикӣ” дар минтақаи Бохтар гурӯҳи корӣ таъсис ёфта, бо намояндагони терминал, ҷамъият ва корхонаҳои нақлиётӣ суҳбату вохуриҳо гузаронида мешавад. Ин навбат гурӯҳи корӣ дар Корхонаи камуналии Воҳиди Давлатии  “Бохтарнақлиётхизматрасон” ҷаласаи сайёр баргузор намуда, дар вохурӣ бо ҳайти кории ин корхона ҷиҳати иҷрои ҳатмии қоидаҳои ҳаракат дар роҳ, баланд бардоштани этикаву эстетикаи касбӣ ва барои пешгирӣ аз ифлосшавии шафати роҳҳо маслиҳатҳои муфид доданд.