8 – уми октябри соли 2024 –ум дар маҷлисгоҳи Вазорати нақлиёти Ҷумҳурии Тоҷикистон ҷаласаи васеъ, оид ба натиҷагирӣ аз фаъолияти МД «Нақлиёти автомобилӣ ва хизматрасонии логистикӣ» дар 9 моҳи соли 2024 баргузор гардид, ки дар кори он муовини Вазири нақлиёти Ҷумҳурии Тоҷикистон Шоиста Саидмуродзода, директори МД «Нақлиёти автомобилӣ ва хизматрасонии логистикӣ» Раҳмиддин Саломзода, муовинони директор, сардорони раёсат ва шуъбаҳои муассиса иштирок намуданд. Дар маҷлис маълумот дода шуд, ки Муассиса, ҳамчун мақоми ваколатдори давлатӣ дар идоракунии соҳаи нақлиёти автомобилии ҷумҳурӣ, дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон, фармоишу дастурҳои Вазорати нақлиёти Ҷумҳурии Тоҷикистон ва талаботи санадҳои меъёрии ҳуқуқии танзимкунандаи соҳаи нақлиёти автомобилиро асоси фаъолияти корӣ қарор дода, баҳри иҷрои вазифа ва уҳдадориҳои оинномавии худ кушиш  ба харҷ медиҳад.
 Дар натиҷаи андешидани чораҳои мақсаднок, ҳисоботи омории нишондиҳандаҳои асосӣ нисбат ба ҳамин давраи соли 2023 аз 102,7 % то 119,5 % таъмин гардида, фарогирии варақаҳои роҳхат нисбат ба соли гузашта, 98,51 % - ро ташкил дод.
  Инчунин дар маҷлис, оид ба Амалисозии Нақшаи амали “Барномаи давлатии рушди низоми логистика дар Ҷумҳурии Тоҷикистон барои солҳои 2023 - 2028” дар марҳилаи якум (солҳои 2023 - 2025), баланд бардоштани сатҳи хизматрасонии босифат  дар  хатсайрҳои мусофирбарии шаҳрӣ, наздишаҳрӣ ва байнишаҳрӣ, омўзиши дарсҳои 20 - соатаи қоидаҳои бехатарии ҳаракат дар роҳ ва одоби муошират, ташкил ва гузаронидани озмунҳо, таҳия ва тасдиқи нақшаи ҷадвали ҳаракати хатсайрҳо, нақши намояндагони муассиса дар таҳия ва қабули ёддоштҳо, ҳамкориҳои байналмилалии муассиса бо кишварҳои минтақа, баргузории вохуриҳо, семинарҳо, конференсия, мизҳои мудаввар оид ба рушди логистика, рафти ҳисоботи варақаҳои роҳхати байналмилалӣ, корти тахографи рақамӣ ва оид ба дигар ҷанбаҳои фаъолияти муассиса маълумот дода шуд.