24-уми октябр дар Раёсати Муассисаи давлатии «Нақлиёти автомобилӣ ва хизматрасонии логистикӣ» дар вилояти Суғд, ҷаласаи корӣ бо иштироки намоянда аз Раёсати Хадамоти давлатии назорат ва танзим дар соҳаи нақлиёт, роҳбарон, мутахассисони корхонаҳои нақлиёти автомобилии боркашу мусофирбари дохил ва байналмилалӣ баргузор гардид. Дар кори маҷлис масъалаҳои иҷрои фармоиши Вазири нақлиёти Ҷумҳурии Тоҷикистон аз 21-уми октябри соли 2024, №162 “Дар бораи тасдиқ намудани намунаи ҳисоботҳои моҳонаи корхонаҳои нақлиёти автомобилии истифодаи умум”, фармоиши директори МД “Нақлиёти автомобилӣ ва хизматрасонии логистикӣ” таҳти №127/2-и аз 18 -уми октябри соли 2024 дар бораи гузаронидани амалиёти “Роҳхату борхат”, рақамикунонии соҳа, омодагии корхонаҳои нақлиёти автомобилии шаҳру ноҳияҳои вилоят барои фаъолияти мунтазам ва самарабахш дар давраи тирамоҳу зимистони солҳои 2024-2025 ва дигар масъалҳои марбут ба соҳа  баррасӣ гардиданд. Дар маҷлис роҳбарони корхонаҳои нақлиёти автомобилии боркашу мусофирбарӣ шаҳру ноҳияҳои вилояти Суғд вазифадор гардиданд, ки ҳисоботи моҳонаи корхонаҳои нақлиёти автомобилии истифодаи умумро тибқи тартиби намуна – замимаҳои бо фармоиши Вазири нақлиёти Ҷумҳурии Тоҷикистон тасдиқгардида, омода намуда, дар мӯҳлати муқарраргардида хаттӣ пешниҳод намоянд.