5-уми ноябри соли ҷорӣ дар Муассисаи давлатии «Нақлиёти автомобилӣ ва хизматрасонии логистикӣ» - и Вазорати нақлиёти Ҷумҳурии Тоҷикистон бахшида ба ҷашни 30 - юмин солгарди қабули Конститутсияи Ҷумҳурии Тоҷикистон маҷлиси тантанавӣ баргузор гардид, ки дар он роҳбарият, сардорони раёсат, марказ, шуъбаҳои Муассисаи давлатии «Нақлиёти автомобилӣ ва хизматрасонии логистикӣ» инчунин, Раиси Иттифоқи касабаи кормандони нақлиёт ва хоҷагии роҳҳои Ҷумҳурии Тоҷикистон иштирок намуданд.
 Дар маҷлис директори Муассисаи давлатии «Нақлиёти автомобилӣ ва хизматрасонии логистикӣ» Раҳмиддин Саломзода бо сухани ифтитоҳӣ баромад намуда, коллективи меҳнатиро ба ин ҷашн табрик намуданд. Мавсуф дар  баромади худ оид ба моҳият ва арзиши волои Конститутсия ҳамчун рукни муқаддаси давлатдорӣ ва баланд бардоштани фарҳанги сиёсӣ, ҳувияти миллӣ ва ҳисси ватандӯстиву худшиносӣ ибрози андеша намуданд.
 Дар идома Раиси Иттифоқи касабаи кормандони нақлиёт ва хоҷагии роҳҳои Ҷумҳурии Тоҷикистон Нисо Бобоева дар баромад вобаста ба санади муҳиму тақдирсози миллат, ки бо ташаббуси дурбинонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳия ва қабул гардида аст ибрози андеша кард.

 Дар фарҷоми ҳамоиш як зумра кормандон барои фаъолияти пурсамару ташаббускорӣ қадрдонӣ гардиданд.