22.11.2024. Имрўз кормандони Муассисаи давлатии «Нақлиёти автомобилӣ ва хизматрасониҳои логистикӣ» Рӯзи Парчами давлатии Ҷумҳурии Тоҷикистонро таҷлил намуданд. Муовини аввали директори муассиса Ҷаҳонгир Пиров дар баромади худ аз таърихи парчамдориву ифтихор аз ин рамзи давлатӣ сухан гуфта, зикр намуд, ки Парчами давлатӣ ифодагари иттиҳоду сарҷамъӣ, нангу номуси мо буда, таҷлили Рӯзи Парчами давлатии Ҷумҳурии Тоҷикистон нишони эҳтироми хосаи мардуми сарбаланди тоҷик ба анъанаҳои нек дар роҳи эъмори давлати демократию ҳуқуқбунёд ва ягона мебошад. Маврид ба зикр аст, ки чун рамзи садоқату эҳтиром Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 20-уми ноябри соли 2009-ум рӯзи 24-уми ноябрро Рӯзи Парчами давлатии Ҷумҳурии Тоҷикистон эълон доштанд ва халқи тоҷик ҳамасола ин рӯзро бо шукуҳу шаҳомат ва эҳтироми бепоён ҷашн мегиранд.