Рўзҳои 26-ум ва 27-уми ноябри соли ҷорӣ дар меҳмонхонаи «Тоҷ палас»-и шаҳри Душанбе, Семинари омӯзишӣ дар мавзўи «Баланд бардоштани иқтидор оид ба технологияҳои мобилии интеллектуалӣ» бо иштироки васеи кормандони соҳҳаҳои гуногун баргузор гардид. Дар ин семинар муовини аввали директори Муассисаи давлатии «Нақлиёти автомобилӣ ва хизматрасонии логистикӣ» Пиров Ҷаҳонгир дар мавзӯи «Ҳолати кунунии варақаҳои роҳхат ва истифодаи технологияҳои рақамӣ дар муасиссаҳои нақлиётии Ҷумҳурии Тоҷикистон» ва «Баҳодиҳии сифати ташкили ҳаракат дар роҳ дар порчаҳои идорашавандаи шабакаи роҳу нақлиёт бо истифода аз системаи глобалӣ ва моделсозӣ» маълумот дод. Мавзуф, дар баромади худ  қайд намуд, ки барои гузаштан ба рақамикунонӣ Қарори Ҳукумати Ҷумҳурии Тоҷикистон «Оид ба ҳукумати электронӣ» аз 30 декабри соли 2011, №643 ва «Консепсияи иқтисоди рақамӣ» аз 30 декабри соли 2019, №642 қабул гардидааст. Инчунин, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми рўзи 21-уми декабри соли 2021-ум қайд намуда буданд, ки “...Ҷиҳати рақамикунонии бомароми иқтисоди миллӣ ва ташаккул додани заминаи технологии он ба ислоҳоти соҳаи алоқа тақвият бахшида, гузариши тадриҷӣ ба иқтисоди рақамӣ ва хизматрасониҳои рақамӣ дар ҳама соҳаҳо таъмин карда шавад ва таъкид месозам, ки ин воқеият ва талаботи замони муосир мебошад”. Қобили қайд аст, ки дар ин семинар миёни иштирокдорон вобаста ба ҳалли масъалаҳои роҳу нақлиёт табодули афкор сурат гирифт