09.01.2025. Вобаста ба баланд бардоштани ҳисси ватандӯстӣ, ҳуввияти миллӣ, арҷгузорӣ ба арзишҳои милливу фарҳангӣ ва татбиқи босамари Қонуни Ҷумҳурии Тоҷикистон "Дар бораи масъулият барои таълиму тарбияи кўдак” дар Муассисаи давлатии “Нақлиёти автомобилӣ ва хизматрасонии логистикӣ” ҷаласа доир гардид. Дар ин ҷамъомад Фирўз Ғафуров - сардори Раёсати назорат, танзим ва рушди фаъолият дар минтақаҳо, Раиси комиссия оид ба танзиму анъана ва ҷашну маросим дар муассиса баромад намуда, иброз дошт, ки Консепсияи сиёсати давлатии Ҷумҳурии Тоҷикистон таълиму тарбияи кӯдакро дар руҳияи инсондӯстӣ, ифтихори ватандорӣ, эҳтиром ба арзишҳои миллӣ, умумибашарӣ ва фарҳангӣ муайян карда, ба ҳифзи арзишҳои асили фарҳанги миллӣ, пешгирии хурофоту таассуб, баланд бардоштани маънавиёт ва барои беҳтар намудани сатҳи иҷтимоию иқтисодии мардуми Тоҷикистон равона гардидааст. Дар робита ба ин, аз иштирокдорон даъват ба амал оварда шуд, ки дар самти иҷрои талаботи Қонунҳои Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон”  ва  “Дар бораи масъулият барои таълиму тарбияи кӯдак” бетараф набошанд.