16 – уми январ дар доираи сафари расмии ҳайати Ҷумҳурии Исломии Эрон вохӯрии директори МД «Нақлиёти автомобилӣ ва хизматрасонии логистикӣ» Раҳмиддин Саломзода бо Комиссияи саноати сохтмон ва хизматрасонии муҳандисии палатаи Савдои Ҷумҳурии Исломии Эрон Алӣ Нақавӣ  баргузор гардид. Ҷонибҳо дар мулоқот Ёддошти тафоҳум байни МД «Нақлиёти автомобилӣ ва хизматрасонии логистики» - и Вазорати нақлиёти Ҷумҳурии Тоҷикистон ва Комиссияи саноати сохтмон ва хизматрасонии муҳандисии палатаи Савдои Ҷумҳурии Исломии Эронро ба имзо расониданд. Тарафҳо иброз доштанд, ки сиёсати хирадмандона ва ташаббусҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Масъуд Пизишкиён заминаи устувор барои рушди ҳамаҷонибаи муносибатҳои дӯстона ва ҳамкории мутақобили судмандро фароҳам овардааст.