Рўзҳои 30-31-уми январи соли 2025-ум дар Aкадемияи логистика ва нақлиёти Донишгоҳи ба номи Мухамедҷан Тинишпаеви шаҳри Алмаатои Ҷумҳурии Қазоқистон III-мин Конфронси байналмиллалӣ дар мавзўи «Банақшагирӣ ва моделсозии нақлиёт» баргузор гардид. Дар конфронси мазкур зиёда аз 200 намоянда аз давлати Олмон, Азорбойҷон, Арманистон, Белорус, Қазоқистон, Қирғизистон, Тоҷикистон ва Узбекистон иштирок намуданд. Қобили қайд аст, ки дар доираи нақшаи баргузории ин конфронс намояндаи МД «Нақлиёти автомобилӣ ва хизматрасонии логистики»-и Вазорати нақлиёти Ҷумҳурии Тоҷикистон Ҷаҳонгир Пиров дар мавзӯи «Баҳодиҳии сифати ташкили ҳаракат дар порчаҳои идорашавандаи шабакаи роҳу нақлиёт тавасути системаҳои (GPS) ва микромоделсозӣ» баромад намуд.