14-уми марти соли 2025, дар МД «Нақлиёти автомобилӣ ва хизматрасонии логистики»-и Вазорати нақлиёти Ҷумҳурии Тоҷикистон вохўрии намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо кормандони муассиса баргузор гардид. Мақсад аз вохўрии мазкур ин андешидани тадбирҳои зарурӣ ҷиҳати бартараф намудани сабабу шароитҳои ба қонунвайронкуниҳои коррупсионӣ мусоидаткунанда ба ҳисоб рафт. Дар рафти чорабинии мазкур сарнозири раёсати муқовимат ба коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, подполковники адлия Розиқзода Алихони Абдулҳаким оид ба муаррифии нуктаҳои Қонуни Ҷумҳурии Тоҷикистон «Дар бораи муқовимат ба коррупсия», «Дар бораи Стратегияи давлатии муқовимат ба коррупсия дар Ҷумҳурии Тоҷикистон барои солҳои 2021-2025» ва «Дар бораи Методологияи тартиб ва методикаи гузаронидани таҳлили фаъолият (хавфҳои коррупсионӣ)», баромад намуданд. Қобили қайд аст, ки чорабинии болозикр дар руҳияи зиддикоррупсионӣ гузаронида шуда, ҷиҳати баланд бардоштани маърифати ҳуқуқии иштирокчиён таъсири хубе хоҳад расонид.