20.03.2025. Дар Вазорати нақлиёти Ҷумҳурии Тоҷикистон Иди  байналмилалии Наврӯз бо иштироки роҳбарият, кормандони дастгоҳи марказӣ ва идораю муассисаҳои тобеи он ботантана таҷлил карда шуд. Дар базмгоҳ кормандони МД «Нақлиёти автомобилӣ ва хизматрасонии логистикӣ» дар баробари дигар иштирокдорони ҷашн гўшаи наврӯзӣ, дастархони ҳафт сину ҳафт шин, намоиши анъанаҳои неки ин иди ориёӣ, либосҳои минтақаҳои гуногуни ҷумҳурӣ, таомҳои  миллии хоси ин ҷашни қадимаи мардуми тоҷикро ба намоиш гузоштанд, ки хеле ҷолибу диданӣ буданд. Занону бонувони муассиса бо пӯшидани либосҳои миллӣ ва оростани хони наврӯзӣ ба ҳусни тантанаҳои ҷашнӣ таровати дигар зам намуданд. Дар ин чорабинии бошукўҳ мусобиқаҳои варзишӣ оид ба вазнбардорӣ ва бандкашӣ сурат гирифт, ки дар он кормандони МД «Нақлиёти автомобилӣ ва хизматрасонии логистикӣ» ҷойҳои намоёнро ишғол намуданд. Дар ҷамъомади идона иштирокчиён бо намоиши ҳунарҳои мардумии кормандони вазорати нақлиёт ва зерсохторҳои он шинос шуда, ба маҳорату истеъдодашон баҳои баланд доданд. Дар ин ҷашни бошукўҳ  кормандони  муассиса бо Ифтихорномаи Вазорати нақлиёти Ҷумҳуриии Тоҷикистон қадр карда шуданд.