ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
2025-03-28 06:35:13 | Диданд: 95
То 31-уми март бо
сабаби боло рафтани ҳарорати ҳаво дар баъзе ноҳияҳои кӯҳӣ ва наздикӯҳии вилояти
Суғд, ноҳияҳои тобеи ҷумҳурӣ, шоҳроҳи Душанбе-Хуҷанд-Чанок (километрҳои 48-74),
инчунин дар ғарби Вилояти Мухтори Кӯҳистони Бадахшон хатари фаромадани тарма
боқӣ мемонад. Дар ин бора АМИТ «Ховар» бо истинод ба Агентии обуҳавошиносии Тоҷикистон
хабар медиҳад. Инчунин 28 март бинобар бориш
дар баъзе ноҳияҳои тобеи ҷумҳурӣ ва вилоятҳои Суғду Хатлон хатари омадани сел
вуҷуд дорад.
Дар
робита ба ин Кумитаи ҳолатҳои фавқулода ва мудофиаи граждании назди Ҳукумати
Ҷумҳурии Тоҷикистон ба таваҷҷуҳи сокинон ва меҳмонони мамлакат мерасонад, ки
дар ин гуна ҳавои номусоид эҳтиёткор бошанд. Ҳамчунин кумита аз ронандагон
хоҳиш менамояд, ки пеш аз сафар воситаи
нақлиётро омода намуда,
бо худ асбобу таҷҳизоти зидди яхбандӣ дошта бошанд. Дар ҳолати рӯ ба рӯ шудан бо
ҳолатҳои фавқулода бо телефонҳои 112 ё 93 880 28 19 занг зананд.
