Дар ҳошияи Форуми операторони «бандарҳои хушк», хизматрасониҳои логистикӣ ва мултимодалии нақлиётӣ, ки аз ҷониби ЭСКАТО-и СММ дар шаҳри Бангкок (Шоҳигарии Таиланд) гузаронида шуд, Вазорати нақлиёти Ҷумҳурии Тоҷикистон оид ба таҳияи лоиҳаи Стратегияи рақамикунонии долонҳои нақлиётии мултимодалии давлатҳои иштирокчии ИДМ мулоқоти коршиносонро доир намуд. Дар доираи Консепсияи раёсати Ҷумҳурии Тоҷикистон дар ИДМ дар соли 2025 ҷониби Тоҷикистон лоиҳаи Стратегияи рақамикунонии долонҳои нақлиётии мултимодалии давлатҳои иштирокчии ИДМ - ро таҳия менамояд. Ба ин раванд коршиносони Комиссияи иқтисодӣ ва иҷтимоии Созмони Милали Муттаҳид барои кишварҳои Осиё ва Уқёнуси Ором (ЭСКАТО СММ), инчунин мутахассисони идораҳои марбутаи давлатҳои иштирокчии ИДМ ва Кумитаи иҷроияи ИДМ ҷалб карда шудаанд.
27 марти соли 2025 дар доираи Форуми операторони «бандарҳои хушк», хизматрасониҳои нақлиётии логистикӣ ва мултимодалӣ,  ки аз ҷониби  ЭСКАТО-и СММ дар шаҳри Бангкок (Шоҳигарии Таиланд) гузаронида шуд, Вазорати нақлиёти Ҷумҳурии Тоҷикистон нахустин мулоқоти коршиносонро оид ба таҳияи ин санад доир намуд. Аз Кумитаи иҷроияи ИДМ дар мулоқот директори департаменти ҳамкории иқтисодӣ Михаил Мискин иштирок кард ва иштирокчиёни  мулоқотро шодбош гуфт. Дар ҷараёни муҳокимаи масъалаи таҳияи лоиҳаи ҳуҷҷат намояндагони давлатҳо оид ба ташаккули бахшҳои алоҳидаи он пешниҳодҳои мушаххас карданд. Ба иштирокчиёни Форум иттилоъ дода шуд, ки пас аз ба итмом расидани таҳияи лоиҳаи Стратегия, он ба кумитаи Иҷроияи ИДМ барои баррасии мақомоти олии ИДМ  супорида мешавад.